Наурыз: Иран мен Қазақстанның мәдени мұралары
«Наурыз: Иран мен Қазақстанның мәдени мұралары» атты онлайн-фотокөрме шығыс халықтарын біріктіретін, көктемгі күн мен түннің теңелуі мен тіршілік атаулының жаңаруын білдіретін, жыл басы әз-Наурызды мерекелеу құрметіне өткізіліп жатыр.
Фотокөрме жұмысына екі елдің салт-дәстүрлері, әдет-ғұрыптары, мәдени мұрасы мен табиғи байлықтары ұсынылған.
Былтыр Иранның «ИРНА» ақпарат агенттігімен бірлесіп Иран мен Қазақстанның мәдени байланыстары мен БАҚ рөлі тақырыбында онлайн-конференция өткен болатын. Онлайн-конференция қорытындысы бойынша бірлескен жобаларды ұйымдастыру бағытында бірқатар ұсыныстар көтерілген. Солардың бірі – «ҚазАқпарат» ХАА мен «ИРНА» ақпарат агенттіктерінің ресурстарында онлайн-фотокөрме өткізу болды.